rayver-rodjun-mom
Rayver, Rodjun Cruz respond to netizen posting an offensive comment against their late mom Beth Cruz.
Ikinainis nina Rayver at Rodjun Cruz ang kawalan ng respeto ng isang netizen sa gitna ng paggunita ng magkapatid sa pagpanaw ng kanilang inang si Melody "Beth" Cruz.

 Ngayong Martes, February 2, ang first death anniversary ni Beth.

 Pumanaw si Beth dahil sa sakit na pancreatic cancer noong 2019.

 Kaugnay nito, nag-post si Rayver ng throwback picture nila ng kanyang ina na kuha sa isang beach.

 "1 year in heaven with our lord God I miss you every single day my Queen," saad ni Rayver sa caption ng kanyang post.

 Naalala rin ni Rayver ang NBA legend na si Kobe Bryant na pumanaw noong January 26, 2020 (U.S. time).

 Marahil ay nagkita raw ang kanyang ina at iniidolong basketball player sa langit.

 "Say hi to kobe for me mama sabihin mo super idol ko sya hehe [hearts emoji] I love you so much!!! Always and forever," ani Rayver.

Sa comments section, isang netizen ang kumontra sa mensahe ni Rayver patungkol sa ina at kay Kobe.
"How sure po kung sa heaven ang punta," hirit ng netizen na may kasamang laughing with tears emojis.
basher-on-rayver
Hindi nagustuhan ni Rayver, 30, ang pagkuwestiyon ng netizen sa pananahimik ng mga yumao na.

 Sabi ni Rayver (published as is): "kung Wala ka maganda sasabihin wag na mag comment kupal"
rayver-on-basher

Ang nakatatandang kapatid ni Rayver na si Rodjun, 32, ay hindi rin pinalampas ang pambabastos ng netizen.

 Mensahe ni Rodjun (published as is): "Mukhang hindi Ka na guide at napalaki ng Magulang mo ng Maayos. bastos mong magsalita at walang Respeto. Wala kang Paniniwala kay Lord.

 "Pag sinabi mo yun sa harapan namin ako Mismo mag lalagay sayo sa Hukay [muscle and fist emojis]

 "Block mo at Delete ang Bastos na Ito @rayvercruz!"
rodjun-on-basher-3

 Nainis din si Dianne Medina, 33, sa hindi magandang pananalita ng netizen.

 Si Dianne, asawa ni Rodjun, ay malapit din kay Beth noong panahong nabubuhay pa ang huli.

 Komento ni Dianne laban sa netizen (published as is): "Ikaw ngayon palang sinusunog na kaluluwa mo! Bastos ka."
dianne-basher-4

 May iba ring netizens ang naghayag ng positibong mensahe sa magkapatid na Rayver at Rodjun.

 Naniniwala raw ang mga itong nasa mabuting kamay na ang ina ng Kapuso actors.
Sabi pa ng ilang netizens, huwag na lang pansinin nina Rayver at Rodjun ang walang saysay na komento ng isang "bastos" na netizen.